First love Jessie

உன்னோடு நானும்
பயணித்த காலம்
வழியெங்கும் கொஞ்சம் மலைச்சாரல் தூவும்

இரு ஜன்னல் ஓரம்
இருள் சூழும் நேரம்
இரு கரங்களின் இடையில் குறைகின்ற தூரம்....

உன் விழிகள் ஏதோ புது மொழி பேச
என் நெஞ்சில் குளிர்காற்றும் வீசுதே

அலைந்தேனே திரிந்தேனே உன் பாதையிலே
விழுந்தேனே சரிந்தேனே உன் பார்வையிலே



உன்னை காண மாலைநேரம்
காத்திருந்தேன் சாலையோரம்
என் வாழ்வில் ஏன் இந்த மாற்றங்கள்

சப்தமின்றி நீ பேச
நெஞ்சுக்குள்ளே புயல் வீச
உன் முன்னே வந்தால் எனக்குள் தடுமாற்றங்கள்

புத்தகமாய் இருந்தவன் என்னை நூலகமாய் மாற்றினாய்
hydroflouric அமிலத்தை ஏனோ என்னுள் நீயும் ஊற்றினாய்

உன் விழிகள் ஏதோ புது மொழி பேச
என் நெஞ்சில் குளிர்காற்றும் வீசுதே

அலைந்தேனே திரிந்தேனே உன் பாதையிலே
விழுந்தேனே சரிந்தேனே உன் பார்வையிலே



திமிராய் முறைக்கும் கண்கள் ஏனோ
திகைத்து முழிப்பது உன்னால்தானோ
ஒரு பார்வையாலே என்னை நீயும் சிதறடித்தாய்

உன் நினைவுகள் என்னை வாட்டி எடுக்க
வருவாயோ என்னை மீட்டுக்கொடுக்க
இரு இதழ்கள் நடுவே தோன்றும் சிரிப்பில் சிறைபிடித்தாய்

உன்னை விட்டு விலகிட நினைத்தால் கால்கள் ரெண்டும் மறுக்கிறதே
நீ என்னை காணும் போதெல்லாம் உன் கண்கள் எதையோ மறைக்கிறதே


அலைந்தேனே திரிந்தேனே உன் பாதையிலே
விழுந்தேனே சரிந்தேனே உன் பார்வையிலே