ஊழல்india
பசிக்கும் பட்டினிக்கும்
பஞ்சமில்லா நாடு...!
வல்லரசுக் கனவுகளை
குப்பையிலே போடு...!
பணக்கார முதலைகளின்
பட்டியலைத் தேடு...!
என்று தான் அழியும்
எந்நாட்டின் வறுமைக்கோடு...!
பணமென்னும் பூவினிலே
அமரும் ஏழை வண்டு...!
கொடுக்கினிலே விரட்டும்
பெரும் பணக்கார நண்டு...!
கழிவறையே இல்லாத
வீடு பல உண்டு...!
கடவுள் கூட உறங்குகிறான்
கண்விழித்துக் கொண்டு...!
வெள்ள வேட்டி வெள்ள சட்ட
போடுறாங்க கொஞ்சம்...!
சாக்கடைய அள்ளக்கூட
கேக்குறாங்க லஞ்சம்...!
தினக்கூலி பட்டியலில்
எத்தனையோ ஏழை-இதை
தீர்க்காத அரசாங்கம்
நம்மை விடக் கோழை.....
