தாய்மொழி தினம்
தாய்மொழி தினம்
*புத்தாடை உடுத்தினேன்
புன்னகையை இழைத்திட்டேன்
*உறுத்தலான உறுத்தலாய்
ஊறுகின்ற தையலாய்
*வியர்வையோடு வெறுமையாய்
மெல்ல நகர்ந்திடும்
மணித்துளிகளாய்
* பொறுமையுடனே அமைதியாய்
விருந்தினர் நகரும் தருணமாய்
*துள்ளி குதித்து ஓடினேன்
தூய ஆடை உடுத்தினேன்
*மன நிறைவு கொண்டேனே
மகிழ்வுடனே நின்றேனே
* கையில் ஒரு புத்தகமாய்
கண் அயர்ந்தும் போனேனே
*அலுவலகம் சென்றேனே
அன்னிய மொழி தினித்தானே
*பன்முகரும் பழகிட
பதைபதைத்து நின்றேனே
*பணத்திற்காக உழைத்தேனே
பாவனையாய் நடித்தேனே
*வியர்வையோடு வெறுமையாய்
மெல்ல நகர்ந்திடும்
மணித்துளிகளாய்
*பொறுமையுடனே அமைதியாய்
பணிகள் முடியும் தருணமாய்
*துள்ளி குதித்து ஓடினேன்
துன்பம் எல்லாம் நீக்கினேன்
*மன நிறைவு கொண்டேனே
மகிழ்வுடனே சென்றேனே
*கையில் ஒரு புத்தகமாய்
கண் அயர்ந்தும் போனேன் -நான்
நான் நானாய் வாழும் தருணம்
என் தாய்மொழியை பருகும் தருணம்
சிவ.ஜெயஸ்ரீ
