கவலையை மறந்து உறங்க வேண்டும்

ஆலின் இலை மேலே
கவலையை மறந்து
உறங்குகிறான்
மாயக்கண்ணன்
சிப்பிக்குள்
கவலையை மறந்து
உறங்குகிறது
முத்து
இதயமுள்ள மக்களின்
ஆறுதலால்
கவலையை மறந்து
இமைக்குள்
உறங்குகிறது
ஏழையின் கண்ணீர்த்துளி
ராணுவ வீரனின் பாதுகாப்பால்
கவலையை மறந்து
உறங்குகிறது
மக்களின் ரத்த துளி
புல்லின் நுனியில்
கவலையை மறந்து
உறங்குகிறது
பனித்துளி
பூவிதழின் மேல்
கவலையை மறந்து
உறங்குகிறது
மழைத்துளி
தாமரை இலையின் மேல்
கவலையை மறந்து
உறங்குகிறது
தண்ணீர்த்துளி
நானும் கவலையை மறந்து
உறங்க வேண்டும்
ஒரு குழந்தையை போல
அன்பே உந்தன் அன்பு மடியில்
அன்பாயிருப்போம் அன்பையே விதைப்போம்
- அன்புடன் ஆர்.பி.ஓம் 8056156496