தனிமையில் முளைக்கும் கவிதைகள்
தனிமையில் முளைக்கும் கவிதைகள்
தெரிந்த நினைவுகளிலிருந்தே
துவங்குகிறேன்
பள்ளி பருவத்து
ஆண்பால் பெண்பால் நண்பர்கள்
ஊரில் சேர்ந்து சுற்றிய
உறவுகள்
கல்லூரியில் கலந்து கலைந்த
பறவைகள்
பெற்றோர் உடன் பிறப்புகள்
மனைவி குழந்தைகள்
உறவுகள் ஊர்மக்கள்
நிகழ்காலத்து நட்புகள்
கடந்தகாலத்து காயங்கள்
சமுதாய நிகழ்வுகள்
அன்பு வெறுப்பு
காதல் காமம்
நட்பு துரோகம்
ஆசை நோய் துன்பம்
அனைத்துமே முடிவில்
என்னுள்
கவிதைகள் முளைக்கும்
தனிமையை மட்டுமே
விதைத்து செல்கின்றன
