நலந்தானா

நலந்தானா தமிழா..
உனக்காக உருகும் அரசியல்வாதிகள்..
நீ அடுத்த நாட்டால் சுட‌ப்பட்டால் உதவும் அரசியல்கட்சிகள்..
உன் நலனுக்காய் ஹைட்ரோகார்பன் போன்ற‌
நல்ல நல்ல திட்டங்களுக்கு
ஒப்புதல் அளிக்கும் அரசாங்கம்..
லஞ்சம் ஊழல் என்றால்
என்னவென்று கூட தெரியாத அலுவலகங்கள்..

அனைத்து பக்கத்து மாநிலங்களும்
அள்ளி அள்ளித் தரும் நீரில்
நீந்தி விளையாடும் நம் விவசாயிகள்..
இவற்றிற்கு மத்தியில் சிறப்பாய் வாழும் நீ..
நேர்மையானோரை மட்டுமே
நேர்மையாக தேர்ந்தெடுத்த நீ..
மிக நலம்தானே..!!

போராட்டமே இல்லாமல்
மகிழ்ச்சியாய் வாழும் நீ
நலமாய் இருப்பாய் என்று நம்புகிறேன்..
மாதம் மும்மாரி பெய்ய‌
பச்சைப் பசுமையாய் காட்சிதரும் தமிழகம்
நிச்சயமாய் நலமாய்த்தான் இருக்கும்

இத்தனை சொல்லியும் நீ எனை
நம்ப மறுக்கிறாய்..
எனக்கு மூளை குழப்பம் என்கிறாய்..
நான் நலமில்லை என்கிறாய்...
நீ சொல்லுவதைச் சொல்..
நான் சொல்லுவதைச் சொல்லிச் செல்கிறேன்...