என் தோழனுக்கு
வெகுளியான ஓர் போர் !
வெளிச்சமான ஓர் அர்த்தம் !
என் கவலையை அழகாக்கும்,
நீ !ஓர் கண்ணாடி....
என் தோல்விகளை
உன் தோல்விகளாக்கினாய்,
உன் வெற்றியை
என் வெற்றியாக்கினாய்....
ஆயிரம் உறவு இங்க இருந்தாலும்
அருமையான ஓர் உறவு
தோழமை....
ஒரே பலூனில் ஊதிய காற்றுகளானோம்,
அதை பிரித்தால் வெறும் வெற்றிடமாவோம்,
எங்கோ இருந்து வந்த நதிகள் கடல்களானோம்
அதை பிரித்தால் வெறும் உப்புகள் ஆவோம்….
என் உணர்வுகளின் உரிமம் உன் உருவம்
உன் பெயரின் முதல் எழுத்து சொல்லும் போது தான் தெரியும்
நாம் வேறு குடும்பம் என்றே......
நம் நட்பை பற்றி சொல்ல
ஒரு நாவல் எழுதிட வேணும்
அதை படிக்க ஒரு யுகமே வேணும்
இப்படிக்கு இரு தேகத்தின் ஒரு உயிர்................
- கௌரி சங்கர்
