பெறுநர் கார்த்தி பிரான்ஸ்
நண்ப...
பொய்த்தது நம் நட்பு.
பாதைகள் எங்கும்
உளறி உளறி
அழும் அந்த அன்பில்
அமிலம் தெறிக்க
நீ விரைந்து சென்றாய்.
மடக்கென்று விழும்
இந்தக் கண்ணீர்தான்
இம்முறை துடைக்க
நீயின்றி உறைந்து
சிதறியது குறுதிப்பொறுக்காய்.
நீ துடைத்து வைத்த
அறிவில் நீயே
நெருப்பும் வைத்தாய்.
பொசுங்கி போகிறது
கடந்த காலத்தில் நீ
தலை வைத்த மடி.
சுட்டிக்காட்டிய காட்சிகள்
பெயர்ந்து சரிகின்றன
உன் தப்படிகளில்
மிதிபட்டு நொறுங்கும்
என் இதயத்தில்...
வெளிச்சங்கள் ஏறாத
முன்காலை வரையிலும்
பார்த்து பார்த்து பேசிய
புத்தகங்களின் அட்டைகள்
உன்னை கேட்டால்
நான் என்ன சொல்ல?
கத்தி நுனியில்
கனி செருக அஞ்சும்
உன் மனதில் இனி
நான் எங்கிருப்பேன்?
