அழிவும்,படைப்பும்
உலகில் நாம் காணும்
இயற்கைகாட்சிகள்
ஒவ்வொன்றும் அழகே
நீல வானம்,சூரிய,சந்திரர்
மின்னும் தாரகைகள்
கடல்கள், சமுத்திரங்கள்
செடிகள்,கொடிகள்
மாமரங்கள், கானகம்
மாமலைகள்,நதிகள்
அருவிகள் என விந்தைத்தரும்
அத்தனையும் ...................
அழிகின்றன ஒவ்வொன்றும்
அழிக்கப்படுகின்றன-சூறாவளியால்
பெரும் மழையால், வெள்ளத்தால்
பொங்கிவரும் கடல் அலைகளால்
நில நடுக்கத்தால்,எரிமலைகள்
சீற்றத்தால், மலையில் மண் சரிவால்
மக்கள் தொடுக்கும் போரால்
மக்களே மக்களை மாய்துகொள்வதால்
மதவெறியால் , பூசலால் , விவரம்
புரியா வந்து தாக்கும் நோய்கள்
இப்படி அழிவுகள் மறுபுறம் .............
இயற்கை எழிலில் மகிழ்ந்தேன்
ஆனால் இயற்கை தண்டிக்கும் அழிவில்
தடுக்கமுடியா அந்த பேரழிவில்,
உயிரினங்கள் அழிவு,கூக்குரல்.
அப்பப்பா ............. மனதை
நிலைகுலைக்க , ஒன்றும் புரியாமல்
நான்.............
ஏன் படைத்தான், ஏன் அழிக்கிறான்
அலகிலா இவ்விளையாட்டு அவனுக்கு
ஆனந்தம் தருமா ...........நான் நம்பவில்லை
பின் படைக்கப் பட்ட இவை எல்லாம்,
இந்த 'நான்' ...............யாவை, யார்
இறைவா இதற்கொரு பதில் தருவாயா
பதிலுக்கு காத்திருக்கும் நான்.......
