வார்த்தைகள்
குழந்தைகள் உதிர்க்கும்
மழலை வார்த்தைகள்
வயிற்றில் பால் வார்க்கிறது...
பசி நேரத்திலும்
சில அழகிய வார்த்தைகள்
பசி மறக்கச்செய்கின்றன...
அரசியல்வாதியின்
மூலதனம்
வாக்குறுதி எனும்
வார்த்தைகள்...
பெரியோர்களின்
அறிவுரை வார்த்தைகள்
பாறையில் பெய்த
மழைப்போல்
சில உள்ளங்களிலே...
வார்த்தைகளை
வசிகரமாக வரிசைப்படுத்தி
விலைப்போகாத
பொருள்களையும் சந்தையில்
விற்று வியாபாரி ஓட்டுகிறான்
வாழ்க்கை எனும் வண்டியை...
சில வார்த்தைகள்
இரு நாடுகளின் மத்தியிலே
பகையை அகற்றி
உறவை வளர்க்கிறது ஏன்
உறவை அகற்றி பகையையும்
வளர்க்கிறது...
இறைவனை
போற்றிப்பாட
சில வார்த்தைகள்
மந்திரங்களாக ஓதப்படுகிறது
ஆலயத்திலே ...
வார்த்தைகள் தான்
உலகை ஆளுகின்றன
பார்த்து கவனமாக
கையாளுங்கள்
உதிர்ந்த வார்த்தைகள்
உதிர்ந்தவையேதான்.....
