வண்ணப் பாடல்
வண்ணப் பாடல் ...!!!
* * * * * * * * * * * * * * * * *
சந்தக்குழிப்பு ...!!!
* * * * * * ** * * * * * *
தனதனன தான தனதனன தான
தனதனன . . . . தனதானா
அவரையிவர் சாட யிவரையவர் சாட
அரசியலின் வேத . . . . . மிதுதானோ ?
அடிபிடியு மாக நிதமுருளு மானால்
அமைதியினி யேது . . . . . பகர்வாயே !
செவிகசியு மாறு பிறழுமொழி யோடு
சிறுநரிக ளாக . . . . வெறியோடே !
செலுமிடமெ லாமு மெதிரணிக ளோடு
தெறுதலுடன் மோதல் . . . . . முறைதானோ ?
உவகையுறு மாறு மிகவதிக மாக
உறுதிமொழி வீச . . . . . லழகாமோ ?
ஒருசிறிது மேனும் பணவெறியி லாத
உயர்தலைமை நாடி . . . . . யினிசேர்வாய் !
கவனமுடன் போட விரல்நுனியை நாடு
கறைகளினி மாறு . . . . . மெளிதாமே !
கடமைமற வாது நடுநிலைமை யோடு
கவலைகளு மோட . . . . . விரைவாயே !!
சியாமளா ராஜசேகர்
