உற்ற பேராசை கருதி அறனொரூஉம் ஒற்கம் இலாமை இனிது - இனியவை நாற்பது 39
இன்னிசை வெண்பா
பிச்சைபுக் குண்பான் பிளிறாமை முன்இனிதே
துச்சி லிருந்து துயர்கூரா மாண்பினிதே
உற்றபே ராசை கருதி அறனொரூஉம்
ஒற்கம் இலாமை இனிது. 39
- இனியவை நாற்பது
பொருளுரை:
பிச்சைக்குச் சென்று, இரந்து உண்பவன் கோபிக்காமல் இருப்பது மிக இனியது.
ஊரின் ஒதுக்குப் புறமாய்க் குடியிருந்து, துன்பம் மிக அடையாதிருக்கும் மாட்சிமை இனியது.
மிகுந்த பேராசையைக் கருத்தினுள் கொண்டு, அறவழியினின்று நீங்குதற்கு ஏதுவாகிய மனத்தளர்ச்சி இல்லாதிருத்தல் இனியது.
