ஆம்பற்றாள் வாடலே போல அகத்தடக்கித் தேம்பத்தாங் கொள்வது அறிவு – அறநெறிச்சாரம் 88
நேரிசை வெண்பா
தனக்குத் தகவல்ல செய்தாங்கோர் ஆற்றால்
உணற்கு விரும்புங் குடரை - வனப்பற
ஆம்பற்றாள் வாடலே போல அகத்தடக்கித்
தேம்பத்தாங் கொள்வ(து) அறிவு 88
- அறநெறிச்சாரம்
பொருளுரை:
தனக்குத் தகுதியல்லாத காரியத்தைச் செய்து ஒருவாறு உண்ணுதலை விரும்புகின்ற குடலை, நீரற்ற இடத்தில் ஆம்பற்கொடி வாடுதலே போல அழகு கெடவும், இளைக்குமாறும் தாம் உள்ளே அடக்கிக் கொண்டிருப்பது அறிவுடைமையாகும்.
குறிப்பு:
குடர் - குடல்: வனப்புற என்பதும் பாடம்.
