மன்னவன் என்றன் மனந்தனில் மகிழ்வாய் நீயே - எழுசீர் ஆசிரிய விருத்தம்
எழுசீர்க் கழிநெடிலடி ஆசிரிய விருத்தம்
(விளம் மா விளம் மா / விளம் விளம் மா)
புன்னகை பூக்கும் புதுமலர் ஒளியாய்
..புகழ்பெறு நிலவென ஆனாய்;
கன்னியாய்க் கனக மணியெனக் கருத்தில்
..காதலின் துணையென நின்றாய்!
என்றனின் மனத்தில் இசைத்திடும் பாட்டாய்
..இனிமையாய்த் தண்ணொளி தந்தாய்;
மன்னவன் என்றன் மனந்தனில் மகிழ்வாய்
..மதிப்புறு பெண்ணென நீயே!
- வ.க.கன்னியப்பன்
