மிதாமித வார்த்தை - நேரிசை வெண்பா
நேரிசை வெண்பா
மிதவார்த்தைக்(கு) உள்ளறிவு மெய்ச்சுகமுங் குன்றா
ததிவார்த்தைக் கவ்வுரைகெட் டப்போ - டுதிரமிவை
சுண்டும்பொங் கும்பித்தஞ் சூழுதலால் ஐயவினை
யண்டும்பொங் கும்புனல்நோ யாய்!
- பதார்த்த குண சிந்தாமணி
அளவான வார்த்தை பேசினால் உள் அறிவும் உடல்நலனும் பெருகும்; அதிகமாகப் பேசினால் மேற் சொன்ன இரண்டும் கெடும்; அதுமட்டுமன்றி இரசதாதுவும் இரத்ததாதுவும் குறையும்; அதனால் பித்தம் அதிகமாகும்; சிலேத்துமமும் சலநோயும் தோன்றும்
