யாரடா நீ

உனக்காக நீயே உருவாக்கிக்கொண்ட
சுயநல நியாயங்கள் !

உனக்கென வரும்போது மட்டும்
எல்லாமே நியாயமாய் தெரிவதின்
மாயம்தான் என்னவோ ?

எவருடைய வருத்தங்களிலும்
எவருடைய துன்பங்களிலும்
எவருடைய வறுமையியிலும்
பங்குகொள்ள பரந்த மனமில்லை உனக்கு -
யாரடா நீ ?

அவரவரின் விருப்பமில்லாமலேயே
அடுத்தவர்களுடையதை தனதாக்கிக்கொள்ளும்
கொடூர குணமுடையவனே -
யாரடா நீ ?

பொதுநலம் பாராமல்
தன்னலத்தை மட்டும் தலையில் தூக்கி வைத்து ஆடும்
மனிதநேயம் இல்லாத மிருகமே -
யாரடா நீ ?

உயிர்களின் வதையை மறந்து
உணவாக்கி கொண்டவனே
உனக்கு, உணர்வுகளின் வலி என்றைக்கு புரிய போகிறது ?

நேர்மையையும் நீதியையும் மறந்து
நெடுங்காலமையான உனக்கு
எடுத்துகாட்டாக எதை சொல்லி புரியப்போகிறது ?

கொலையைக்கூட கலையாய் கற்றுக்கொள்ளும் அளவிற்கு
கொடூரமாய் இறுகிப்போன உன் இதயத்தில்
இரக்கத்தின் ஈரம் இருக்க வாய்ப்பே இல்லை !

போதிப்பவர்களையும் போதனைகளையும்
புறம் தள்ளிய நீ
பொல்லாத சிந்தனையை விதைப்பதில்
வித்தகன் ஆகிவிட்டாய் !

உனக்குள் இருக்கவேண்டிய இரக்கத்தையும் மனிதத்தையும்
எங்கே,என்று துளைத்தாய் ?

மனிதன் மனிதன் என்று மார்தட்டிக்கொள்ளும் உனக்குள்
மனித நேயமும் , மனித தன்மையும்
இல்லையேயடா ?
யாரடா நீ ?

எழுதியவர் : விநாயகமுருகன் (16-May-24, 8:29 am)
சேர்த்தது : VINAYAGAMURUGAN
Tanglish : yarada nee
பார்வை : 60

மேலே