அறிந்தும் அறியாமல்

~அறிந்தும் அறியாமல் ~
நதியாய் நடந்தாய் நளினம் என்றேன்
நடையில் என்ன இருக்கிற தென்றாய்
உதிக்கும் கதிர்போல் உன்விழி என்றேன்
உணரா ததுபோல் ஒதுங்கிக் கொண்டாய்
புதிதாய் எத்தனை கவிதைகள் சொன்னேன்
புரியா மல்நீ புருவம் நெளித்தாய்
அதிசயம் என்று அதையும் சொன்னேன்
அதற்கும் பதிலாய் அதயே செய்தாய்
மதியில் எழுதி வரிகளில் வடித்தேன்
மனதைச் சொல்லி விடுவேன் என்று
ரதியே இன்னும் எத்தனை நாள்தான்
ரகசிய நாடகம் நீயும் செய்வாய்?
#மணிமீ
Jul/25/2024