பொங்கல் நாயகனே..

பொங்கல் திருநாளில் நான்
உன்னிடம் பொங்குவதெல்லாம்
இதுமட்டுமே சூரியபகவானே !

நலிந்துசெல்லும் விவசாயத்தை மீண்டும்
நடைபயில செய் .
உருகிவாழும் உழவர்பெருமக்களை
ஊக்கமுற செய்..

பொங்கல் படையலை மட்டும்
ஏற்றுக்கொண்டு
பொழுது சாய்ந்ததும் நீ நித்திரையில்
நீந்தி விடாதே .

எழில் மயமாய் மீண்டும் இவ்வுலகம் விளங்க
பயிர்மணிகள் பாங்காய் படர்ந்து நாமும்
ருசியார பசியாற நல்ல உணவுமிங்கு
ஊறின்றி கிடைக்க உன்னருள் வேண்டுமைய்யா ...

இனிய தமிழர்திருநாள் நல்வாழ்த்துக்கள்