இதய வீணை

இசைக்கு இயற்கையும்
மயங்கும் இசையின் ஓசைக்கு
மேகமும் கலைந்திடும்
தூவானமாய் நின்று மெல்லவே தூவிடும்
புதையுண்ட விதையும் விதையுண்டு
விருச்சகமாய் எழுந்திடும்
மலர்ந்திட காத்திட்ட மொட்டுக்கள்
இசைத்தட்டுக்கள் பட்டவுடன்
இன்பமாய் இதழ்களை விரித்திடும்
காற்றலை மோதிடும் இடமெல்லாம்
மெல்லிசை எழுந்திடும் - நம்
இமைகள் மெல்ல மூடியே
உயிர் மூச்சோடு கலந்து
இதய வீணையை இசைத்து
இணையில்லா இன்பம் சுரந்திடும்
இசையின் மகிழ்ச்சி களிப்பில்
கவலைகள் அனைத்தும் கரைந்திடும்
இறைவன் மொழிந்திடும் அமுதம் - நம்
செவிகளில் இன்னிசை மழையாய் பொழிந்திடும்