கோழை தோழி ஆனேன் நான்!
உன் அருகாமையில், உன் காதலியாக உன்னில் தொலைந்து போக நினைத்தாலும்,
நீ என் நல்ல தோழன், என்னை என்னிடமே திருப்பிச் சேர்க்கிறாய்…
எந்த ஆணையும் காதலிக்காதே என்று சொல்கிறாய்,
நீ என்றுமே என் இனிய தோழி என்று சொல்கிறாய்…
இந்த இரண்டும் எப்படிச் சாத்தியம்? அது உனக்கே வெளிச்சம்…
நீ என் கைக்கோர்க்கும் போது என் மனதில் துளிர்க்கும்
உணர்வுக்கு பெயர் தெரியாமல் தான் தவிக்கிறேன்…
என் மனதிலும் நட்பைத் தவிர வேறேதுமில்லை என்று ஆணித்தரமாக
உன்னிடம் சொல்ல முடியாத உனது கோழை தோழி ஆனேன் நான்!
