வெற்றியும் தோல்வியும்..

ஒவ்வொரு மனிதனையும்
அடையாளம் கட்டும் முகவரிசீட்டு
இந்த வெற்றி..
ஒவ்வொரு மனிதனையும்
வெற்றிக்காக ஓடசெய்யும்
உற்சாகபானம்
இந்த தோல்வி..

இருவர் மட்டுமே போட்டியிட்டாலும்
ஒருவருக்கு மட்டுமே கிடைக்கும்
ஞானபழம்
இந்த வெற்றி..
வெற்றி எனும் சொல்லுக்கு
பூமாலையை தரும்
பூச்செடி இந்த தோல்வி..

ஒரு வெற்றி
உன்னை உலகிற்கு
அடையாளம் காட்டும்,
ஒரு தோல்வி
உன்னை உனக்கே
அடையாளம் காட்டும்..

ஆரம்பித்த புள்ளியிலேயே முடிய
வாழ்க்கை ஒன்றும் வட்டமல்ல..
அது
ஏற்ற தாழ்வுகள் நிரம்பிய
வளைகோடு..

முதல் தோல்வியிலேயே
சோர்ந்து போகிறாயாமே நீ,
முதல் மழையிலேயே
சமுத்ரம் உண்டாகுமோ?
இல்லை
முதல் மாதத்திலேயே
பிரசவம் நடக்குமோ?

தெரிந்துகொள்
மழைத்துளிகள் கூட
மண்ணில் விழுந்தால்தான் பெருமை,
நீ ஏனடா சோர்ந்து போகிறாய்
ஒருமுறை விழுந்ததற்கு..

ஒரு தோல்விக்க்காகவா
முழுதாய் உடைகிறாய்,
வா
முயற்சி எனும் பசை எடுத்து
மீண்டும் ஒட்டு
உன் பழைய கனவை புதிதாய்..

எது எப்படியோ,
தோல்விஎனும் பட்டையை மிதிக்காமல்
வெற்றிக்கான தூரத்தை
தாண்டமுடியாது,..

தோல்வியை நீ மிதி
வெற்றி உன்னை மதிக்கும்...

நட்புடன்
ப.சுரேஷ்..