பிள்ளைக் காதலி உன்
கிள்ளை மொழி கேட்டு
கொள்ளை காதல் கொண்டேன்
வெள்ளை மனதோடு
பிள்ளை நீ பழக
கள்ள மனதோடு என் காதல்
சொல்ல நான் தயங்கி
உள்ளே வைத்து உருகினேன்
சொல்லாத காரணத்தால்
செல்லாததாகிப் போனது என்
செல்லக் காதல்

மேலும்

கிறுக்கல்களையும் குழறல்களையும்
கோடிப்பேர் சார்ந்துகொண்டு
இனித்திடும் மொழியென்பார்
இன்பக்கூத்தாடிடுவார்
பழைமை வாய்ந்ததென்பார்
போலிச்சரித்திரமாய் பிரிவே தமிழென்பார்
இசையெனும் பெயரினாலே ஓர்
ஈனசுரத்தினிலே முழங்கிடுவார்
பாட்டும் இயற்றிடுவார் அது பெரும்
பாவம் என்றுணராமலே
அறிவார் தமிழர் அறியாமையால் பிதற்றும்
அவரே மூடரென்று

தமிழொன்றே மொழி பிறிதெல்லாம் ஒலி.

மேலும்

காற்றைப் பிடித்து காணல் நீரில் நணைத்து
இரவு வெயிலில் எளிதாய் காயவைத்தேன்
மேகத்திலேறி மெதுவாய் பயணித்து
இந்திரனுக்கு இனிதாய் பரிசளித்தேன்
அவன் இடியும் மின்னலும் ஈங்கொரு புயலும்
வழியும் புன்னகையுடன் எனக்கு வழங்கினான் பெற்றுக்கொண்டு நன்றியுரைத்தேன் - பின்
மழைத்துளியின் மையம் பற்றி விரைவாய்
வந்து சேர்ந்தேன் வீட்டிற்கு.

மேலும்

தோழர்களே,
நம் உழைப்பினில் பிறர் பிழைப்பதே வாடிக்கை
அட்டைப்பூச்சிகளின் மத்தியிலே நம் வாழ்க்கை

திட்டங்கள் பல போட்டு பட்டங்கள் பெற்றாலும்
கொட்டியதில் கெட்டளவாய் கிட்டுவதே வருமானம்
மாட்டின் கூளமே மாதச்சம்பளமாம்

மிஞ்சுவதெல்லாம்
பசிமறவா வயிறும் பகல் பிரியா உயிரும்
மாற்றிடுவோம் இந்நிலை,
மறுப்போரைத் தூற்றிடுவோம்

கூடித் தொழில் புரிவோம் குற்றமற வாழ்வோம்

மேலும்