இது உங்களுக்குப் பிடித்த ஒரு பாடலை பாதி பாடி மீதி பாடலை உங்களைப் பாடத் தூண்டும்.. சந்தாவும் கட்டி சிறப்புப் பாடகராகவும் பாடலாம், அல்லது கட்டாமலும் பாடலாம்.. ஆனால் சில சலுகைகள் கிட்டாது...

பாடிப் பாடி சரிபார்த்து பதிவேற்ற முயல்கையில் ஒவ்வொறு முறையும் நாம் பாடியதில் ஏதோ குறை இருப்பதாகத் தோன்றும்.. மீண்டும் மீண்டும் முயலுகையில் இந்த வைரஸ் உங்களை அறியாமல் உங்கள் தொண்டையைத் தாக்கி உங்கள் குரலை அழிக்க முயலும்... 

உடனே கவனித்து உஷார் ஆகவில்லை என்றால் அடுத்த நாள் வாய் திறந்து பேச முயன்றால், ஒலி வராது...!மருத்துவரிடம் சென்று சிகிச்சைப் பெற்றால் ஒழிய இதைச் சரி செய்ய முடியாது.மிகவும் எச்சரிக்கை தேவை.

அருகில் இருப்பவருக்கும் தொற்றிக் கொள்ளும் வாய்ப்பு மிக அதிகம்.. இதனால் நாம் சில கர்ண கடூரமான பாடல்கள் கேட்க வாய்ப்பு உண்டு. காது, தலை வலியும் ஏற்பட வாய்ப்பு உண்டு.

ஸ்ம்யூல் என்ற பெயரில் கைப் பேசியில் உலா வருகிறது இந்த வைரஸ்..

மருத்துவர்களுக்கு நல்ல பயன் அளிக்கும் வைரஸ் என்றே அறியப்படுகிறது.

---முரளி