காதல் ஜோடி பார்வைகள் பன்னீர் புஷ்பங்களாய் பாஷைகள் வெண்முல்லை...
காதல் ஜோடி
பார்வைகள் பன்னீர் புஷ்பங்களாய்
பாஷைகள் வெண்முல்லை பூக்களாய்
பாடுகின்றாள் கோர்வையாய் பாக்களை
பரவசத்தில் நாணுகின்ற பார்வையுடன்
நெஞ்சுக்குள் நிறைந்த சுபராகம்
நினைவாலே தினம் அவளை தாலாட்டும்
கொஞ்சம் கூட காட்டவில்லை காதலை
மஞ்சள் நிறத்தாள் மனதால் மயங்குகின்றாள்
வஞ்சிக்கு வசந்தமான செய்தி ஒன்று
மணமாலை சேரும் நாளை சொல்ல
கஞ்சத்தனமின்றியே நாணுகின்றாள்
கதகளி நடனமே ஆடுகின்றாள்
ஆனந்தத்தை காட்டாத அதிசயப்பிறவி
பேரானந்தத்திற்குள் குடிபுகுந்தாள்
பொறுமையோடு நாட்களை நகர்த்துகின்றாள்
பொலிவு கொண்ட வாழ்வை காண்பதற்கு
அறிக்கின்ற கழுத்துக்கு தங்கத்தாலி
அவன் கொண்டு வருவான் அவளோ மகிழ்வாள்
சுற்றங்கள் கூடி நின்று வாழ்த்தும் நேரம்
சூழ்ந்து கொள்ளுமே புன்னகை இதழோரம்
கையோடு கைசேர்க்கும் காதல் ஜோடி
கல்யாணராகமே தினமும் பாடி
கைகூடும் சுகங்கள் பலகோடி
காத்திருந்த வானவரும் வாழ்த்துகின்றார் கூடி
0
0