தமிழ் கவிஞர்கள்
>>
கவிஞர் வாலி
>>
தாய்த்தமிழை இகழ்வோர் முகத்தில் உமிழ்- தமிழா! தமிழா!
தாய்த்தமிழை இகழ்வோர் முகத்தில் உமிழ்- தமிழா! தமிழா!
தமிழா! தமிழா!
உனக்கும் எனக்கும்-
தாயால் வந்தது யாக்கை;
தமிழால் வந்தது வாழ்க்கை;
எனவே
எஞ்ஞான்றும்...
தாயைத்
தமிழை -
வாழ்த்தப் பழக்கிடு
வாக்கை வழங்கும் நாக்கை;
அகரத் தமிழை ஆயுள் மூச்சாய் -
நுகரச் சொல்லிடு மூக்கை;
அன்னணம்
ஆயின் -
அறவே தவிர்க்கலாம்
அறியாமை என்னும் சீக்கை;
நுண்மான்
நுழைபுலத்தால்-
அடையலாம் நீ
அரிமா நிகர்த்த நோக்கை!
தமிழனே! என்
தோழனே!
அமிழ்தம் அனையது
தமிழ்; அதில் நீ
அமிழ்; அமிழ்ந்து
இமிழ்; இமிழ்ந்து
குமிழ்;
ஆங்கிலம்
அளவு-
சோறு போடாது தமிழ் -எனச்
சொல்வோர் முகத்தில் உமிழ்!
பிரபல கவிஞர்கள்
தபு ஷங்கர்
Thabu Shankar
ஞானக்கூத்தன்
Gnanakoothan
வ. ஐ. ச. ஜெயபாலன்
V. I. S. Jayapalan
கனிமொழி
Kanimozhi
