அமைதியின் நிலைகள்....
அமைதியின் வெவ்வேறு நிலையை
நீங்கள் கண்டதுண்டா?
மருத்துவமனையின்
அறுவை சிகிச்சை அறையில்....
ஒரு அமைதி இருக்கும்....
அடுத்த நொடி அறுந்து போகுமோ
என்பது போல அமைதி....
கோவிலில் கிடைக்கும்
ஒரு அமைதி....
என் குறைகள் பெரிதில்லை என....
இறகைப் போல்
மனம் மாற்றும் அமைதி....
தேர்வறையில் நிலவும்
ஓர் அமைதி....
அடக்குமுறை முடியும் நொடிக்காய்....
காத்திருக்கும் அமைதி....
எல்லாவற்றையும் விட கொடுமையானது...
மாமரத்தின் மேல் மௌனமாய்
வீசிச் செல்லும் வெயில் போல....
முதியோர் இல்லங்களில் ....
காணப்படும் அமைதி.......
அதை கவிதைக்குள்
கொண்டுவந்து விட முடியுமெனில்...
நானும் கடவுளே.....
