தடம்

மேக உதிர்ப்பின் கடைசி லட்சியம்
நிலம் தொட்ட இந்த தேன்துளி,
உதித்த மழலையின் சுத்தச்சிரிப்பு.

துளி துவண்டு இணைந்து துணிந்து
துணைகொண்டு தவழ்ந்த காட்டாறு,
துணிவு திணிந்த மாணவக்கூட்டு.

துள்ளிக்குதித்து, துருவித்துளைத்து
தழுவி, தலைகீழாய் கர்க்களைஉருட்டி
கண்ட இடம் சேர்ந்து, கானக அமைதிக்கு
கரவொலி சமைத்து கடந்தது காடு.

ஆடிய ஆட்டம் அடங்கி, சேறு பூசி,
சிறுகச்சிறுக மனிதக்கைபட்டு கசங்கி
கடைசியில் கடல் சேரும் சமயம்
கிடைத்த பெயர் சாக்கடை.

அராஜகம், அடிமைத்தனம், அன்பிலாமை, ஆணவம், அற்பத்தனம், அச்சமின்மை, அடங்காக்காமம் அத்தனையும்
அடங்கிய மனிதனுக்கு மறுஜென்மம்.