மீண்டும் வந்திடுமோ ?
கண்கள் திறந்தும் ஒன்றும் தெரியா
மழலைப் பருவமும் வந்திடுமோ !
பாலும் சோறும் உண்டு திரிந்த
பால்ய வயதும் வந்திடுமோ !
பள்ளி கல்லூரி கல்வி பயின்று
துள்ளிய காலம் வந்திடுமோ !
இளமைக் காலத்து இனிமைகள்
இனியும் மீண்டும் வந்திடுமோ !
வாகனம் குறைந்த சாலைகள்
மீண்டும் இங்கு வந்திடுமோ !
நெரிசலே இல்லாத பேருந்துகள்
நாமும் பயணிக்க வந்திடுமோ !
மின்வெட்டே இல்லாத தமிழகம்
மீண்டும்தான் இனி வந்திடுமோ !
வரிசையே இல்லாத ரேஷன்கடை
நம்காலத்தில் இனி வந்திடுமோ !
சாதிகளே இல்லாத சமுதாயம்
உருவாகும் காலம் வந்திடுமோ !
கட்சிகளே மறைந்து மறந்தும்
நாட்டில் இனி வந்திடுமோ !
ஊழலும் பட்டினியும் அறவே
இல்லாத காலம் வந்திடுமோ !
வறட்சியே இல்லாத வளமான
புரட்சி பாரதம் வந்திடுமோ !
பழனி குமார்
