நடிகர்களிலே இமயம் என்றும்
நடிப்பிற்கு இலக்கணம் வகுத்தவர்
நடிப்பால் இதயங்களைத் தொட்டவர் !
நடிகர்களிலே இமயம் என்றும்
நடிகர் திலகம் சிவாஜியே என்றும் !
முதல் படமே முத்தாய்ப்பானது
மூழ்கி எடுத்த நல்முத்தானீர்கள் !
சிம்மக் குரலோனின் வசனங்கள்
நடிப்பவர்க்கு எல்லாம் பாடமானது !
கட்டபொம்மனை உன்னில் கண்டோம்
கப்பலோட்டிய தமிழனை கண்டோம் !
பாசமுள்ள அண்ணனை பாசமலரிலும்
நவரசத்தை நவராத்திரியில் கண்டோம் !
ராஜராஜ சோழனை நேரில் கண்டதில்லை
உன்னில் கண்டோம் ராஜராஜனை !
பிள்ளையும் பிள்ளையின் பிள்ளையும்
உந்தன்வழியில் வாழையடி வாழையாய் !
இறுதிவரை நடிப்பே உன் சுவாசமானது
வரலாற்றில் உன்பெயர் கல்வெட்டானது !
நீ ஏற்றிட்ட பாத்திரங்கள் எல்லாம்
என்றும் வாழ்ந்திடும் நெஞ்சினில் !
கடற்கரையில் இன்று சிலையாய் நிற்கிறாய்
திரைத்துறையில் நிலையாய் வாழ்வாய் !
தலைமுறை கடந்தாலும் உன்னை
தமிழர்கள் நாங்கள் என்றும் மறவோம் !
பழனி குமார்
