தேவதை கண் சிரித்தாள்
நரம்பு உரித்து நூலாய்த் திரித்து
தென்றலை எடுத்து பூக்களாய்த் தொடுத்து
தேவதை கண் சிரித்தாள் !
ரத்தமும் உறைய அக்சிஜென் குறைய
நித்தமும் என்நெஞ்சில் அவள்முகம் நிறைய
வித்தைகள் செய்து விட்டாள் !
கன்னி கார்நறுங் கூந்தலில் தவழும்
வண்ண மலர்கள் ஆகத் துடித்திடும்
விண்ணில் திரியும் வெள்ளி மீன்களடா !
மண்ணில் ஆடும் மயில் பறவையின்
கண்ணில் தெரியும் சிறு கருவவும்
இன்றிவள் முன்னால் ஆனது வீண்களடா !
விவேக்பாரதி
