மகளிர் என்னும் மாதவம்

மண்ணின் பெருமை காக்கும்
மலர்களின் குவியல் ,

மாதா என்னும் பெயரைத் தாங்கும்
மகத்துவப்புதையல் ,

அன்பைப்போதித்திடும்
ஆனந்த நந்தவனம் ,

அன்புப் பால் தரும்
அதிசய பூமியின் அற்புதம்,

கண்களால் காவல் காக்கும்
கலங்கரை விளக்கம் ,

நம்மைக் கரையேற்ற வாழும்
காலம் தந்த படகு .

அயராது உழைக்கும்
அடிமைப் பறவை,

அல்லும் பகலும் நாடும்
அன்பின் ஆதரவை,

இதயத்தில் என்றும் உதிக்கும்
பூரண நிலா ,

இரவு பகல் தாலாட்டும்
இசையின் உலா,

வணங்கி வழி படும்
வாழையின் வர்க்கம்,

வற்றாமல் சுரக்கும்
வசந்த யாகம்,

நில்லாமல் எரியும்
நிரந்தர சக்தி ......சக்தி ...சக்தி.