சில பல ஹைகூகள்

கவிதைகளின் சில தற்கொலை முயற்சிகள்
பிழைகளால் கசங்கி சுருண்டு
குப்பைத்தொட்டிகளை
பாழ்கிணறுகளாய் பாவித்து!

**************************************************************************

கவிதையின்
சில அரைகுறைப் பிரசவம்
ஹைக்கூ!

**************************************************************************
சில நேரங்களில்
தொலைதூர நெடுஞ்சாலை முடிவுகள் நீள்கிறது
பக்கத்தில் நெருங்க நெருங்க!

**************************************************************************

நீ என்னைப் புரிந்துகொண்டாய்
நான் உன்னைப் புரிந்துகொண்டேன்
நாம் யார் என்று கேட்டுக்கொண்டோம்
பல குழப்பங்களில் இருவரும்!

**************************************************************************

தேர்வுக் கட்டணங்களை
குவளையில் தேநீர் நிரப்பி சேமிக்கிறன
பல
தந்தை தேனீக்கள்!

**************************************************************************

சாதி வெறியில் ஒன்றை ஒன்று
தீண்டாமல் செல்கிறது தண்டவாளங்கள்
கலப்புத்திருமணங்களாய்
இடையில் சில தட மாற்றம்(track changes)!

**************************************************************************

கைகளுக்கு இடையில் சொகுசாய்
காகிதங்களின் எண்ணைக்குளியல்
பஜ்ஜி தின்னும்
பல கருணையாளர்களின் தயவில்!

**************************************************************************

கருத்துக்களால்,கற்பனைகளால்
எழுத்திலும்(நம் வலை தான்) சண்டை
கைவசம்
ஆயுதம்(ஃ) இருப்பதாலோ என்னவோ?

**************************************************************************

திரவ பூவிதல்களால் செய்த
பூங்கொத்து
புல்நுனி பனித்துளி!

**************************************************************************

ஹார்மோன்களால்
இரவில் மட்டும்
வான்முகத்தில் பல பருக்கள்
விண்மீன்கள்!

**************************************************************************

எழுதியவர் : ஜெகன்.த (4-Jan-14, 7:17 am)
பார்வை : 196

மேலே