சாந்தமும் விநயமும்

சாந்தமும் விநயமும் இருந்த வரையில் வளர்ந்தது. இப்போது சாந்தத்தைக் கெடுத்து,சலனத்தைக் கெடுத்துத் தடுமாற வைக்க எத்தனை உண்டோ அத்தனை சினிமாவும் கதைப் புஸ்தகங்களும், ஸ்கூலில் படிக்கிற நாளிலேயே வந்து சேர்ந்து விடுகிறது. காமம் புகுந்து விகாரப்படுத்தாத பிரம்மசரியம் என்பது படிக்கிறவனுக்கு இல்லை. சாந்தத்தைக் கெடுத்துச் சலனத்தைப் பெரிதாகக் கொடுக்கிற இன்னொரு சத்ரு 'குரோதம்'' அதைத்தான் பள்ளிக்கூட நாளிலிருந்தே இன்றைய அரசியல் கட்சிகள் பசங்களுக்கு ஊட்டி வருகிறது. சாந்தம் போய், விநயம் போய், அகம்பாவமும் வந்தபின் அவற்றோடு கூட உண்மையான வித்யையும் போய் விட்டது. பையன் வீட்டிலேயே ட்யூஷன் கற்றுக் கொண்டால் பையன் யஜமான், வாத்தியார் சேவகன் என்று அர்த்தம். ஹாஸ்டலிலும், காலேஜிலும்கூடதான் யஜமான்' என்பதால்தான்ஸ்டிரைக்பண்ணுகிறான்.வார்டனையும்ப்ரொபஸரையும் அடிக்கப் போகிறான். ஏனென்றால் இங்கெல்லாமும் முதலில் பையனிடம் கையை நீட்டிப் பணத்தை வாங்கிக் கொண்டு விடுகிறார்கள்.குருகுலத்திலோகடைசியாகத்தான்தக்ஷிணை.இம்மாதிரி விஷயங்களில் நம் பூர்விகர்களின் ஸைகாலஜி-நுட்பம் ஆச்சரியமாயிருக்கு! பல வருஷம் அவரோடு சேர்ந்து அன்பாகப் பழகினபின் சிஷ்யனுக்கே "எதைத் தருவோம்,எதைத்தான் தரக்கூடாது?"என்று நன்றியும் ஆர்வமும் இருக்கும்.இம்மாதிரி சந்தர்ப்பத்தில் "இந்திராணியின் குண்டலத்தைக் கொண்டு வா!
நாகரத்தினத்தைக் கொண்டு வா!" என்று கேட்ட குருமாரும் உண்டு.ஆனால் இப்படிக் கேட்டவர்கள் அபூர்வமே. சிஷ்யனால் இம்மாதிரி அஸாத்யத்தையும் சாதிக்க முடிகிறதுஎன்று காட்டி அவனைப்பெருமைப்படுத்தவேஇவர்கள்இப்படிக்கேட்பார்கள்.பொதுவில் எந்த குருவும் துராசை பிடித்து எதுவும் கேட்கமாட்டார். அல்ப சந்தோஷியாக எதிலும் திருப்திப்பட்டு விடுவார்.