இருளை உமிழும் தீபங்கள் 0 தாரகை0
கூட்டைக் கலைக்கும் குயில்கூட்டம்-சில
குடும்பத்தில் நுழைந்த மருமக்கள்
சூட்டைக் கிளப்பும் குளிர்நிலவு -அழகு
பெண்களைக் காண்பதால் வரும்விளைவு
வெப்பம் கக்கும் பனிமலைகள் -பெற்ற
பிள்ளையால் வதைபடும் பெற்றோர்கள்
மண்ணை அரிக்கும் மரக்கூட்டம்-நம்
மக்களை ஆளும் தலைவர்கள்
விண்ணைக் கெடுக்கும் விண்மீன்கள் -மென்
பெண்மையின் இழுக்கு விலைமாது
இருளை உமிழும் தீபங்கள்-கருப்
பொருளை விளக்கா கவிதைகள்
கரியைப் பூசும் ஒப்பனைகள்-பொய்
கருத்தும் புள்ளியும் உதாரணம்.
