தாத்தா பாட்டி நினைவிலே
அம்மா விரல் பிடித்து
அடி வைத்தது நினைவில்
உண்டு!
அப்பா கை பிடித்து
சைக்கிள் ஒட்டியது நினைவில்
உண்டு!
தம்பியுடன் சேர்ந்து மாங்காய்
அடித்து தின்றதும் நினைவில்
உண்டு!
ஆற்றங்கரையில் மீன் பிடித்து
சுட்டு தின்றதும் நினைவில்
உண்டு!
பூவரச இலையை மடக்கி
பீப்பீ ஊதியதும் நினைவில்
உண்டு!
பேப்பரை மடக்கி சிகரெட்
புகை ஊதியதும் நினைவில்
உண்டு!
தாத்தா நிலா சோறு
ஊட்டி விட்டதும் நினைவில்
உண்டு!
பாட்டி செய்த சீடை
திருடி திண்டதும் நினைவில்
உண்டு!
தாத்தாவுடன் கோமாளி சர்க்கஸ்
பார்த்து சிரித்ததும் நினைவில்
உண்டு!
சாமிக்கு பயந்து பாட்டி
சேலைக்குள் ஒளிந்ததும் நினைவில்
உண்டு!
தாத்தாவுடன் வயல் வெளியில்
விளையாடி திரிந்ததும் நினைவில்
உண்டு!
பாட்டி செய்த குழி
பணியாற சுவையும் நினைவில்
உண்டு!
இன்றும் கூட..
நம் தாத்தா பாட்டியின்
நினைவுகள் மனதில் மட்டுமே
உண்டு
அவர்களோ நம் நினைவுகளோடு
முதியோர் இல்லத்தில்...........
