கண்ணு பட போகுதய்யா
நூறுகளாய் ஆயிரமாய் திருட்டு -
முகத்தில் கறுப்புத்திரை
அணிந்துகொண்ட ராக் கொள்ளையன்
பதுங்கி பதுங்கி வாழ்க்கை
பயந்து பயந்து வாழ்க்கை
படைகள் நூறு பிடிக்க!
லட்சங்களாய் கோடிகளாய் திருட்டு -
உடலில் வெள்ளை உடை
அணிந்திருந்த பகல் கொள்ளையன்
சொகுசு பதவி வாழ்க்கை
செழித்து செழித்து வாழ்க்கை
படைகள் நூறு காக்க!
கண்ணுபட போகுதய்யா
அரசியல் வாழ்க்கை என்று
ஆராத்தி எடுத்து
ஆர்ப்பரிக்கும் தொண்டர்கள்!
அட ஆச்சரியம்
என் தலைவன் - என்று
மூக்கு மீது
விரலை வைத்து
அளவளாவும் என் மக்களை
என் சொல்வேன் நிலைமைகளை
யார் காப்பார் என் நாட்டினை?
