புதுமனை புகுவிழா

ஒரு செங்கல் மீது மறு செங்கல் ஏறும்
இரும்பு கம்பிகள் இடையில் சேரும்
சிமெண்டு ஜல்லி கலவையை கொண்டு
நிலத்தின் மீது புது கட்டிடம் எழும்பும்

வாசல் நிலையில் மாலைகள் மலரும்
ஜன்னல் கம்பிகள் அழகு சித்திரமாகும்
வண்ணபூச்சில் கனவு கோலங்கள் போட்டு
மின்சார உபகர்ணங்கள் வந்து உயிரூட்டும்

வளைந்து நெளிந்து உயரும் மாடிப்படிகள்
மொட்டை மாடியில் தண்ணீர் தொட்டிகள்
வாகன நிறுத்தம் வாசலில் கோலங்கள்
முன்வாசல் புறவாசல் மதில் சுவர்கள்

தென்னை மரம் பக்கம் செம்பருத்தி செடிகள்
பன்னீர் மல்லி அருகில் வண்ண ரோஜா செடி
எல்லாம் இருந்தாலும் வெறும் கட்டிடம் தான்
விந்தையான யதார்த்த உண்மை கேளுங்கள்

ஜீவனுள்ள மனங்கள் சேர்ந்து இணைந்து
வாழ்ந்தால் மட்டுமே இல்லம் என்று ஆகும்
ஜீவனுள்ள மனங்கள் சேர்ந்து இணைந்து
வாழ்ந்தால் மட்டுமே இல்லம் என்று ஆகும்