காதலன்
எனக்குள் விளைந்த காதல்
எப்படி இன்று
உனக்கு விழுந்தது காதில்
மறைத்தல் என்பது காதலில்
மனதைக் கொண்டு
நிறைத்தல் என்பதுவே காதில்
சொன்னாலே புரியாத சொல்கூட
உன்னால் மட்டுமே
தன்னாலே புரியும் சொல்லாகுது
நுதல் முதல் குதிவரை
காதல் குதித்தாலும்
வாய் மறுக்கும் இல்லையென
இல்லாமையில் இருப்புக் கொண்ட
உள்ளமையின் உண்மையை
கல்லாமலே சொல்பவன் காதலன்
சத்தம் போடும் வாய்
காதலின் போது
நித்தம் போடும் பொய்
நாளத்தில் குருதித் தாளத்தின்
நாடித் துடிப்பறிந்தவன்
நடிப்பைத் துப்பறிந்து விடுபவன்
இதயத்தின் செயற்பாட்டை அறிய
ஈ சீ ஜி இனியெதற்கு
காதலனைக் கேட்டுப் பாருங்கள்
