முயற்சி
என் வாழ்க்கை கனவுகள்
நாளுக்கு நாள் அதிகரிக்கிறது
கார் , பங்களா என கனவு
காணவில்லை - வீட்டைச்
சுற்றி மரங்கள் நிறைந்த
சின்ன வீட்டுக்கு ஆசைப்பட்டேன்
டாக்டர் , லோயர் என கனவு
காணவில்லை - எதிர்காலத்தில்
நல்தலைவர்களை உருவாக்க
ஆசிரியையாக ஆசைப்பட்டேன்
நாடு பேசும் பெண் நான் என்
கனவு காணவில்லை - யாரும்
அறியா சமூக சேவகியாக
ஆசைப்பட்டேன்
ஒன்று நிறைவேறியது ஆனால்
மரங்கள் இல்லை - வீட்டைச்
சுற்றி மாடிகள் காணப்பட்டது
இரண்டிற்கு முயற்சித்தேன்
எனக்கு ஆசிரியர் தகுதி
இருக்கிறது என்றனர் - ஆனால்
லஞ்சம் கேட்டதால் திரும்பி வந்தேன்
மூன்றை செய்து வருகிறேன்
சமூக சேவகி என வீட்டார்
அறிந்ததும் - பதினெட்டு
வயதில் உன்னால் முடியாது
என அடக்க முனைகின்றனர்
இருந்தும் தளர்ந்து விடவில்லை
மீண்டும் ஆரம்பித்திருக்கிறேன்
மூன்று ஆசைகளையும்
அடைவதற்கான போராட்டம்
இம்முறை தோல்வியடைய
மாட்டேன் எனும் உறுதியோடு .......
