இது காதலோ - இராஜ்குமார்
இது காதலோ ?
==============
இறக்க இறக்க
இதயம் துடித்தால்
இன்னொரு பெயர் காதலோ ?
வான்வெளி செல்லும்
பயண பாதையில்
பரவச நிலையில்
வண்ணம் வரைவது காதலோ ?
நீண்டு படுக்கும்
கவலை கரையை
நுரையால் நிரப்பும்
ஈர அலைகள் காதலோ ?
நேரம் குடித்து
தனிமை படிக்கும்
இனிமை நிறைக்கும்
இரசனை நொடிகள் காதலோ ?
அறியா பெண்ணை
தெரியா உணர்வை
புரியா புலம்பலை
கனவில் விதைப்பது காதலோ ?
- இராஜ்குமார்
நாள் : 5 - 8 - 2011