மாறாத செய்திகளாய்
இன்றைய பொழுதுகளில்
செய்தித் தாள்கள் எளிதாக
புரட்டிக் கடந்து போகும் அளவில்
இல்லை..
மாறாத செய்திகளாய்
வன்புணர்வுகள் தொடர்ந்து கொண்டிருக்கும்
நாட்கள்
நெஞ்சில் விதைத்துப் போகும்
வலியும் வேதனையும்
அந்தப் பக்கங்களிலேயே
தேங்கிப் போய்விடுகின்றன...
இங்கு
மனித வாழ்வியல் அறம் மறந்து
குற்றவுணர்ச்சி அற்று
இக்காம மிருகங்கள்
வாழ முடிந்த நரகத்திலும்
கல்வி கற்ற மூடர்கள் மத்தியிலும்
வாடிய மொட்டுக்களுக்கும்
அதன் செடிகளுக்கும்
பதில்கள் என்றும்
கேள்விக்குறி போல் நிற்கும்
நம்
அறியாமையும் இயலாமையும் தான்..
