உன்னை சுற்றியுள்ளவை

இன்று நீ
உன் மேல் வந்து விழுந்த
குப்பைகளை..
தூசிகளை..
மாசுகளை..
நீக்கி சுத்தம்
செய்துகொண்டிருக்கும் நேரத்தில்..
ஒன்றை சொல்லிவிட்டு போகத்தான் வந்தேன்..
நீ உன் சன்னல்களை திறந்து வைத்திருப்பதாலும்
காற்றோட்டத்திற்கு கதவுகளை திறந்து வைத்திருப்பதாலும்
அவற்றின் மூலம் உன்னை
எல்லோருமே எளிதாய் காண வாய்ப்பளிக்கிறாய்..
சந்தோஷ காற்றை அனுமதிக்கும் வேலையில்..
உன் திரைசீலைகள் கூட குறுக்கிடுவதில்லை..
ஆனாலும்
சிலந்தி பூச்சிகளும்..
சுவர்க் கோழிகளும்
சில்லறை பஞ்சாயத்துகளும்
சில சமயம் குளவிகளும் கூட
உள்ளே வந்து விடுகின்றன ..என்பதால்..
சுத்தம் செய்து கொண்டிருக்கும் வேளையில்
உன்னைச் சுற்றியுள்ளதையும் பற்றிக்
கொஞ்சம் கவனத்தோடு இரு..
என்பதை சொல்லிவிட்டுப் போகத்தான் வந்தேன்..
தொந்தரவு செய்ததற்காக இந்த தென்றலை
மன்னித்து விடு..
மனிதனே!