தீண்டத்தகாதவர்கள்
மதுவில் மயங்கி
மாதுவை விற்று
மானம் இழக்கும் நீங்கள்
தீண்டத்தகாதவர்கள் ,
உடை போல உள்ளமதும்
வெண்மையென நினைத்து
வரும்
மிருதுவான உள்ளங்களை
விலைப்பேசி உயிர் பறிக்கும்
நீங்கள் தீண்ட தகாதவர்கள் ,
அன்றாடும் உணவிற்கு
அல்லல் படும் ஏழையிடம்
கப்பமாக கற்பை கேட்கும்
நீங்கள் தீண்டத்தகாதவர்கள்
பிறந்த மண்ணையும்
ஈன்ற தாயையும்
இழிவு என ஒதுக்கிவைக்கும்
நீங்கள்
தீண்ட தகாதவர்கள் ,
தேகதாகம் தீர்த்துக்கொள்ள
தெரிந்தே தவறு செய்து
தெருவில் பலனை போட்டுவிட்டு
தெரியாதது போல நடிக்கும்
நீங்கள் தீண்ட தகாதவர்கள் ,
காக்கும் பொறுப்பில் நின்று
கடமையை மறந்து விட்டு
பணத்திற்காய் பல்லிளித்து
வன்முறையை வளர்த்துவிடும்
நீங்கள் தீண்டத்தகாதவர்கள் ,
உங்களை போல் இழிவு தொழில்
எது செய்தோம் நாங்கள் இங்கே .?
கழிவை அகற்றுவது இழிவல்ல எங்களுக்கு
கழிவில் இருந்து பார்க்கும் போது
இழிவானவர்கள் நீங்கள் தான் .
