விதி வரைந்த கோலமிதா
கண்ணே மணியே என்று
காதலித்து வந்தவர்கள்
கலியாண பேச்செடுத்தால்
கை கழுவி விடுகின்றார்கள்
காரணம் என்னவென கேட்க்கவே
கன்னியிடம் காசில்ல -அதனால்
கல்யாணப் பேச்சில்ல
அழகான செல்வத்திற்கு இது ஒரு விதியா
அக்கினியை சாட்சி வைத்து
ஆரம்பித்த பந்தம்
முந்தானை முடிச்சோடு
முடங்கிப் போகுது பெண் வாழ்வு
கட்டினவன் காலடியில்
கல்லாத்தான் இருக்கச் சொல்லுது விதி
கட்டின கணவன் இறக்கவே
கட்டையிலே போகும் -சொல்லுது சமூகம்
விதவை என தலை விரிச்சு
வீட்டில முடங்கச் சொல்லுது விதி
இப்படியும் உள்ளதோ பெண்ணுக்கு
இத்தனை கோலங்கள்
