நாளைய தமிழும் தமிழரும் “பொங்கல் கவிதைப்போட்டி 2015”

உலக உருண்டையில்-
முதலில் தோன்றியது காற்று
பின் - நீர்
அதன் பின்- தமிழ்.

உலக அறிவியலில்
மொழி வரலாற்றை
துவக்கியது தமிழ்
உலக மொழிக்கெல்லாம்
தாய்மொழியும் தமிழே!

மொழி இன உணர்வோடு
இருப்பவனெல்லாம் தமிழன்
இனக் கொடுமைகள் கண்டு- கொதித்து
எழுபவனெல்லாம் தமிழன்

ஒட்டுமொத்த உலகமே
அழிந்தொழிந்தாலும்
தமிழ் மட்டும் எஞ்சிநின்று ஒலிக்கும்
பின்னரது வேர்பிடித்து செழிக்கும்

அன்றும்-இன்றும்-என்றும்
தமிழன்தான்
மாந்த இனத்தின் தலைப்பிள்ளை
தமிழும் தமிழனும் இல்லாமல்
இந்த உலகம் சுழன்றிட வாய்ப்பில்லை.

-------------------------------------------------------------------------------------------------------------------------------------
இது என் சொந்த படைப்பு என்று உறுதிகூறுகிறேன்

பெயர் – புதுவைப்பிரபா
வயது – 41
ஊர் – புதுச்சேரி
நாடு - இந்தியா
அழைப்பிலக்கம் – 9443214654