பா விளையாட்டு
***************************************************************************
++++++++++++++முதல் போட்டி+++++++++++++++++++
***************************************************************************
அட்டகாச ஆட்டத்தா லெட்டிவிட்டோ முன்னூறு
ஆட்டுவித்த பந்துவீச்சோ பின்னிடவே - கிட்டிவிட்ட
வெற்றிமகள் புன்னகைத்து பின்நகைத்தா ளன்றுமுதல்
பற்றிவிட்டா லன்பினாலே யாம்!
***************************************************************************
+++++++++++இரண்டாவது போட்டி++++++++++++++++
***************************************************************************
வில்லெனவே துள்ளிவந்த பந்தைதூரம் கில்லியென
தள்ளிவிட்டா ராட்டத்தில் நம்வீரர் - வில்லீர்ஸூம்
சீக்கிரமாய் ஆட்டமிழந் திட்டாரே மீண்டுமொரு
கெக்களித்து வெற்றியில் நாடு!
***************************************************************************
++++++++++++மூன்றாவது போட்டி++++++++++++++++
***************************************************************************
சின்னநாடை திட்டமிட்டு மண்கவ்வ வைத்ததுடன்
திண்ணமுடன் வெற்றிநடை போட்டதுவே - தன்பிரிவில்
முன்னிலையை அன்றுமுதல் பெற்றதுவே இந்தியா
கண்டதுவே போட்டியில் வீறு!
***************************************************************************
++++++++++++நான்காவது போட்டி++++++++++++++++
***************************************************************************
நான்காவ தாட்டத்தில் தான்பெற்றார் வெற்றியே
கண்டோரும் பெற்றிட்டார் உற்சாகம் - பண்புடன்
பார்த்தவர் கைத்தட்ட கொண்டாரா னந்தமே
தோற்றவர் சோர்ந்தாரோ சொல்!
***************************************************************************
++++++++++++++ஐந்தாவது போட்டி++++++++++++++++
***************************************************************************
வேடிக்கை பார்த்திட வெற்றியின் ஓட்டமே
வாடிக்கை ஆனது ஆதலால் - இந்தியா
ஆகாசம் தொட்டது எல்லோரின் உள்ளமும்
பூவாசம் சேர்த்தது வே!
***************************************************************************
+++++++++++++++ஆறாவது போட்டி++++++++++++++++
***************************************************************************
தோனியும் ரெய்னாவும் தோற்றுவித்தார் சாதனையே
ஆனதே ஜிம்பாப்வே வேதனையே - ஆனமட்டும்
ஆறாட்டம் வீழ்த்தினார் விக்கெட்டு கொண்டாடி
பேரூக்கம் தந்திடுவோம் வா!
***************************************************************************
+++++++++++++++காலிறுதிப்போட்டி+++++++++++++++
***************************************************************************
காலிறுதி ஆட்டத்தில் கண்டதே வெற்றியே
உள்ளத்தில் ஊக்கத்தைப் பற்றியே - துள்ளலுடன்
ஆஸ்திரேலி யாவினையும் பந்தாட காத்திருக்கு
மீசையைத் தான்முறுக்கி யே!
***************************************************************************
+++++++++முதல் அரைஇறுதிப்போட்டி++++++++++++
***************************************************************************
சீட்டுநுனி போட்டியிது பாட்டெழுத தூண்டியது
கெட்டபுத்தி வானமது ஏனின்று கொட்டியது
உற்சாகம் வென்றநாடு கண்ணீரில் தோற்றநாடு
ஏற்றமே பெற்றுவிளை யாட்டு!
***************************************************************************
++++++இரண்டாவது அரைஇறுதிப்போட்டி+++++++++
***************************************************************************
வெற்றிதனைக் கொண்டாட என்னிலே நம்பினேன்
மாறாகத் தோல்வியால் வெம்பினேன் - பெற்றிருந்த
வெற்றிகள் ஆறுதலைத் தந்திட ஞாயிறின்
ஈற்றாட்டம் கண்டிடுவே னே!
***************************************************************************
++++++++++++++++இறுதிப்போட்டி++++++++++++++++
***************************************************************************
நண்பனுயிர் பேரிழப்பாய் பந்துபட்டே போனதுவே
செந்நீரைச் சிந்தாமல் சாதித்தார் - உண்மையன்பே
அஸ்திவாரம் வென்றுவிட் டார்,தங்கக் கோப்பையே
ஆஸ்திரேலி யாநீவா ழி!
++++++++++++++++++++++++++++++++++++++++++++++++
