முதல் காதல்

அவள்
சிரிக்கும் கண்களில்
சிக்கிய மீனாய் மனசு

காதணிகள்
குழந்தையாய்
இடுப்பசைக்க
சிறகடிக்கும் பேச்சு

மல்லி வாசத்தை
முந்தி வந்து
அவள் வருகையை
சொல்லிப் போகும்
சிகைக்காய் மணம்

வீசும் தென்றலில்
மெல்ல என் முகம்
தொடும் அவள்
துப்பட்டா நுனி

கடற்கரை மணலில்
கை கோர்த்து நடக்கையில்
கால் கொலுசு போட்ட
பிண்ணனி இசை...

காத்திருக்கும் வேளை
மனசோ
மது குடித்த
மதம் பிடித்த ஆனை

இப்படி
சிறிதும் அசையாமல்
நங்கூர நினைவுகள்...
.
உலகிலேயே முடியாதது
முதல் காதலை மறக்க
முயலுவது தான் போலும்

ஆமாங்க
என
மனைவியும் சொல்ல

அன்றே
மறந்தது என்
முதல் காதல்...