தடை செய்

அறிந்தும் அறிவிழப்பது
தெரிந்தும் தேர்ந்தெடுப்பது
புரிந்தும் புதையில் விழுவது
விரும்பியே தனையிழப்பது

முதலில் இது விளையாட்டு
முடிவில் தான் தளைக்கட்டு
நித்தம் மனம் தடுமாறும்
சத்தியத்தின் நிலை ஆடும்

முதலில் வரும் சிறு மகிழ்ச்சி
நிதமும் நீட்ட ஒரு சுழற்சி
மனதை மயக்க விட்டால்
மனங்கள் வெறுத்து ஒதுங்கும்

பற்றிய கோப்பை மாயையை
முற்றியபின் உணர்ந்தாலும்
சுற்றிய சுற்றம் மறைந்திருக்கும்
சுகமும் சொர்கமும் கலைந்திருக்கும்

உன்முன் நீளும் முதல் கோப்பைக்கு
உள்ளம் உணர்ந்து தடை சொல்லு
உன் இல்லம் நல்ல நிலை பெறும்
உலகும் ஒளியாய் காட்சி தரும்!

"SAY NO TO DRINKS"
===================================================================================
# I SUPPORT NANDHINI
நல்லை சரவணாவின் முயற்சிக்கு நன்றியுடன் படைக்கிறேன்