பொட்டபுள்ள பெத்துக்கலாம் சின்னபுள்ள
வாழமரத் தோப்புக்குள்ள
வந்து போ சின்னபுள்ள - நான்
வாசமுள்ள முல்லப்பூ
வச்சிருக்கேன் சின்னபுள்ள... (வாழமரத் தோப்புக்குள்ள)
எந்தக் கவலையும்
உனக்கில்ல சின்னபுள்ள...
எதிர்காலம் நமக்கிருக்கு
சின்னபுள்ள....
ஏழுசீர் குறள்போல - உன்
எழில் இருக்கு சின்னபுள்ள...
எப்பவும் நீதான்
என் உசுரு சின்னபுள்ள... (வாழமரத் தோப்புக்குள்ள)
பூவும் புடவையும்
உனக்குத்தான் சின்னபுள்ள...
நான் புதுசா செஞ்ச தாலியும்
உனக்குத்தான் சின்னபுள்ள...
கட்டிக்கொள்ள
நேரம் பாரு சின்னபுள்ள...
என்னைக் காயப்போட்டது
போதும் சின்னபுள்ள... (வாழமரத் தோப்புக்குள்ள)
புஞ்சையும் நஞ்சையும்
உனக்குத்தான் சின்னபுள்ள...
நீ - பொங்கிவச்ச சோறு
எனக்குத்தான் சின்னபுள்ள...
பொழுதுசாயும் நேரம்
நமக்குத்தான் சின்னபுள்ள...
நாம பொட்டபுள்ள
பெத்துக்கலாம் சின்னபுள்ள... (வாழமரத் தோப்புக்குள்ள)
குறிப்பு: இது, இந்தியாவில் பெண் குழந்தைகளின் பிறப்பு விகிதம் குறைவாக இருப்பதற்கும், கருக்கலைப்பு நடைபெறாமல் இருப்பதற்காகவும் எழுதப்பட்ட நாட்டுப்புறப் பாடல். விருப்பம் உள்ளவர்கள் தங்கள் வலைத்தளங்களில் பகிர்ந்துகொள்ளவும்.
