வடம் பிடித்த குதிரைகள்
இன்றைய இளைஞர்கள்
குணம் கொண்ட திறனாளிகள்
கூர்மை யுள்ள புத்திசாலிகள்
பேர் சொல்லும் பலசாலிகள்
பொதுவுடைமை அறிவாளிகள்
மேலும்
வான் தொடும் இலக்குகள்
வாகை சூடும் நோக்குகள்
ஜாலமில்லா வார்த்தைகள்
ஜதி சேர்க்கும் துடிப்புகள்
இருந்தும்
இமை மீறா பார்வைகள்
எதுக்கு வம்பு நினைப்புகள்
தோள் மீது தாலாட்டுகள்
தூங்கி தொலைக்கும் பெருமூச்சுகள்
புரிய வேண்டும் நீங்கள்
வடம் பூட்டிய குதிரைகள்
தடம் மாற்றும் சுற்றங்கள்
இடம் மாறும் தோற்றப் பிழைகள்
சரியத்துவங்கும் சாளரங்கள்
மாற வேண்டும் நீங்கள்
மதம் பிடித்த யானைகளாய்
மாற்றம் தரும் சோலைகளாய்
அப்துல் கலாம் அள்ளித்தந்த பாதைகள்
தொடர்ந்து போரிட்டால் தூள் தூளாகும்
தடைகள்,
தவிப்புகள்,
தர்க்கங்கள்,
தாமதங்கள்,
தணியட்டும் தாகங்கள்
குறையட்டும் குமுறல்கள்
ஒழியட்டும் ஒழுக்கங்கெட்ட மேடைகள்
ஊரைக் கெடுக்கும் கஜினிகள்
ஒழுக்கமில்லா வானரங்கள்
ஊசிப்போன உளுத்துப்போன ஓட்டை உடைசல்கள் !
வடம் பிடிக்க தேர்களல்ல,
புதியதோர் உலகம் செய்ய
புறப்படுங்கள் புலிகளாய்,
புத்தம் புது புவிகளாய்,
போர்க்கள புரவிகளாய்,
போர்க்கால புறாக்களாய்,
புத்துணர்வு பூக்களாய்
புழுதி பறக்க புயலாய்,
புதிய பூமிக்கொரு சாமியாய்!
